CBAP bag-ong grupo sa mga boradkaster natukod

DAVAO CITY – Pormal nga natukod ang kahugpongan sa mga tag-iya ug mga magsisebya sa gagmay nga mga estasyon sa radio nga FM kon frequency modulation dinhi sa tibuok Pilipinas nga ang ilang grupo gitawag nga Community Broadcasters Association of the Philippines (CBAP).

Kasagaran sa  mga estasyon ug mga tigbalita nga sakop sa CBAP anaa sa Mindanaw nga gilangkoban sa 88 ka gagmay nga mga estasyon sa FM Radio. Ang mao nga mga estasyon ug mga tigbalita mao ang naga live coverage atol sa kampanya ni President Rodrigo Duterte sa niagi nga nasudnong piniliay.

Atol sa ikaduhang General Assembly sa CBAP nga gipahigayon dinhi nga ciudad, Agusto 28, 2016, ang napili nga mga sakop sa Board of Trustees (BoT) mao sila Dok Sam Batiancila sa 101.5 Like FM sa Bukidnon isip chairperson; Raymong Micator sa The Beat Radio sa Kidapawan City- vice chairperon; Atty. Leonard Cagatin sa 100.7 Beat Radio sa Kidapawan City - secretary  ug ubang BoT nga sila Sarx Lanos sa Tagum FM, Davao del Norte, Jeric Enriquez sa Frendz Radio sa Cateel, Davao Oriental, Jordan Udtojan sa Choice FM sa Bayugan, Agusan Sur, Efren Teneso sa 92.9 T-Radio sa Mawab, Comval; Benny Queman sa 106.1 Lips FM sa San Francisco, AgSur; Ferdinand Perez sa 92.7 FM sa San Franciso, AgSurug Randy Albores sa Bansalan FM 92.9.

Atol sa unang asembleya sa CBAP nga gipahigayon niadtong Pebrero 2016, ang mga napiling opisyales mao sila Dok Sam Batiancila – presidente, Benny Queman – bise presidente, Bonnie Arevado- secretary, Efren Teneso- treasurer ug Satx Lanos- auditor.

Pagkahuman sa 2^nd General Assembly ug sa pagpili sa mga opisyales sa BoT, nagpirma dayon sila sa porma sa Articles of Incorporation aron irehistro dayon sa Securities and Exchange Commission (SEC).

Ang National Telecommunication Commission (NTC) andam na usab makigkita sa mga opisyales sa CBAP.

Ang mga estasyon ug mga tigbalita sa FM radio nga sakop sa CBAP mao gayud ang nakabase sa mga katilingban nga bisan gagmay sila nga estasyon apan mao na karon ang ginapaminaw sa katawhan kay ang estasyon nga FM mao ang klaro ug tin-aw ang signal sa ilang mga dapit ug madungog pa pinaagi sa mga selpon. (Matik Lagablab/posted by Becky D. de Asis -the redline  news - zamboanga)